Orðið ansi langt síðan síðast.... en hér sjáiði nokkrar myndir frá s.l. 4 mánuðum!!! :)

Er maður ekki mikill snúlli...

Litli Kristjánsson fæddist 09.06.06 kl. 08.42. Hann var 15 merkur og 51 cm og allt gekk ofsalega vel. Hann er svo yndislegur og við horfum bara á hann allan daginn og trúðum því varla að þetta sé virkilega barnið okkar :)

Jæja best að fara að gefa brjóst ;) Set svo fleiri myndir við tækifæri.

kveðja,

Móðir Silja

Þrælfín helgi að baki...

Fórum í Grasagarðinn í góða veðrinu á laugardaginn, stormuðum þangað með teppi & piknik körfu fulla af kræsingum. Þar viðruðum við okkur í 3 tíma og ég er ekki frá því að maður hafi fengið smá roða í kinnarnar :)

Næst ákváðum við í skyndi að bruna á Sólheima til mömmu & pabba. Hef ekki farið í svona langan bíltúr í langan tíma og ég hélt án gríns að ég myndi fæða á þarna mesta malarkaflanum. Held reyndar að Kristján hafi gert í því að láta bílinn hoppa doldið hressilega á verstu köflunum enda er hann orðin dálítið óþolinmóður að fara að sjá litla krílið ;)

Á sunnudaginn átti Birta Hlíf sætasta afmæli og bauð í veislu en hún er síðan alveg að fara að stinga okkur af, ætlar til Detroit í Bandaríkjunum í ár sem aupair.

Birta flippuð að vanda...

Katrín kíktí svo í heimsókn á sunnudagskvöldið og upp úr miðnætti vorum við orðin svo svöng eða aðallega ég, náði samt að fullvissa Katrínu og Kristján um að þau væru líka svöng hehe ;) Þá uppgötvaði ég að það væri til deig inn í ísskáp svo það var ekkert því til fyrirstöðu en að skella í 2 baquette brauð með ólífum, fetaosti og pestó og nammi namm það heppnaðist rosa vel, ekta svona miðnætursnarl ;) Maður er náttúrlega ekki alveg í lagi þessa dagana...

Í gær var bara rólegt, prjónaði slatta í peysunni sem ég er að gera á mig, ein svona djúsí peysa sem alltaf er gott að geta hipplað sig í (hmmm segir maður hippla???). Já svo horfðum við á mynd um tónlistarmanninn Ray Charles. Ótrúlegt hvað allar þessar sannsögulegu myndir um þetta fræga fólk sem maður hefur horft eru allar eins. Þessar stjörnur eru einn daginn að gera það rosa gott, eiga gommu af peningum og lífið ætti að blasa við þeim. Nei nei allar enda þær sem sjúklegir eiturlyfjaneytendur, halda endalaust framhjá makanum sínum sem er heima með öll börnin þeirra og á endanum eiga "stjörnurnar" akkúrat ekkert!!! Horfði einmitt á Walk the line með Johnny Cash um daginn og þar er þetta engin undantekning. En mæli með lögunum hans úr myndinni er búin að vera hlusta stanslaust á þau undanfarið.

Reyklausi dagurinn...

Í dag er alþjóðadagur án tóbaks sem á að hvetja fólk til að nota tækifærið og hætta að reykja. Persónulega hef ég aldrei skilið hvað fær fólk upphaflega til að byrja að reykja. Mér fannst þetta aldrei kúl sem unglingur og fékk aldrei löngun til að ánetjast þessari fíkn enda hef ég aldrei tekið einn smók um ævina og efast um að ég fari að byrja á því héðan í frá. En ég er viss um að ef ég hefði einhvern tímann byrjað að þá væri ég kannski stórreykingarmanneskja í dag, því ég er svo öfgakennd, sbr. þegar ég naga þá nægir mér ekki að naga bara neglurnar, nei ég borða nánast puttana af mér eða þar til blæðir :/ Þegar ég er í tyggjóstuði þá fæ ég mér kannski 3 extra tyggjó pakka á dag eða þar til mig verkjar í kjálkana, þegar ég fæ mér varasalva þá smyr ég svona 30 sinnum Labello á varirnar, þegar ég fæ mér nammi þá kaupi ég bland í poka fyrir 400 kr. og klára það allt og svo mætti lengi telja. En þetta er nú allt skaðlaust svo sem.... eða hvað?

En allavegana þá bara skil ég einfaldlega ekki að fólk skuli yfir höfuð reykja enn þann dag í dag miðað við alla þá fræðslu sem er í gangi fyrir utan hvað þetta er hrikalega dýrt og viðbjóðsleg lykt sem fylgir þessu, þetta var öðruvísi í gamla daga þá vissi fólk ekki eins mikið um skaðsemi reykinganna. Mér skildist á fréttum í morgun að það séu um 20 % landsmanna sem reyki og mér finnst það bara ansi hátt hlutfall af þjóðinni.

KATRÍN GÆS...

Þar sem Katrín er að verða FRÚ þann 17. júní nk. þá slapp hún að sjálfsögðu ekki við gæsun og var síðasti laugardagur tilvalin í hefðbundin gæsastörf ;) Haft var á orði að um óvenju vel tamda gæs væri að ræða því hún stóð sig eins og hetja allan daginn!!!

Jæja þið eruð svona hress....

Svo sem mest lítið að frétta hjá mér, allt bara svona við það sama. Er búin að horfa á 2 þætti af OC í dag, prjóna eina ermi á lopapeysu, lesa soldið í góðri bók og já bara svona hitt og þetta og já ætli ég sé ekki búin að pissa svona ca 25 sinnum, já þetta er búið að vera bissí dagur í dag ;)

Kristján er á ljósmyndanámskeiði sem ég gaf honum í jólagjöf og ég hef voða lítið séð hann síðan hann byrjaði. Hann er búinn að vera taka myndir hér og þar um bæinn, úti og inni og allstaðar og er alveg orðinn sjúkur í þetta. Ég var síðan búin að lofa honum að halda í mér fram yfir þetta námskeið og síðasti tíminn er í kvöld svo það virðist ætla að takast! og þó veit maður ekki ;)

En þessi er alltaf jafn skotin í mér..... það vantar ekki!!!!

Ég horfði út um gluggann í dag og ég sá snjókorn, eigum við að ræða það e-ð frekar ???

Nú er ég sjúk í ....
Pakka-hafragraut með kanil og eplum sem ég hita í örbylgjuofninum í 2 mínútur. Þegar ég tek gómsætan heitan grautinn úr ofninum bæti ég við hann 1 banana, smá dass af rúsínum og slatta af apríkósum!!!
Þetta gerist ekki betra ;OÞ