TÖFF TÖFF TÖFF...

Helgin var hin prýðilegasta, Birta Hlíf frænka kíkti á okkur á föstudagskvöldið og við “gúffuðum” í okkur heimabakaða pizzu og horfðum svo á idolið. En ein spurning hvort segiði “gúffa í sig” eða “gúlpa í sig”, það urðu nefnilega heitar umræðum um þetta í gær!!! Já svo byrjaði ég laugardaginn á yndislegum jógatíma (ég er alveg orðin sjúk í jóga). Labbaði svo Skólavörðustíginn, keypti afmælisgjöf og hitti síðan Christínu á Súfistanum. Þar sat ég frá 14:30 – 18:30!!!! Held það sé met hjá mér í viðveru á kaffihúsi í einum rykk. Mér leið eiginlega eins og ég væri í útlöndum, e-ð svo óvenju mikið mannlíf, lifandi tónlist og skemmtilegheit. Þarna sátum við og prjónuðum, lásum slúðurblöð og “gúffuðum” í okkur kræsingar. Christína stakk mig reyndar af um 16:30 en þá kom Guðrún og við þurftum að spjalla svo mikið að áður en maður vissi voru 2 tímar liðnir.
Um kvöldið var okkur boðið í mat til Stígs frænda, þvílík kóngaveisla og virkilega skemmtilegt kvöld.
Í gærmorgun horfði ég á Júróvision sem ég hafði misst af kvöldið áður og djö... var Sylvía Nótt flott! Er alveg búin að vera með þetta lag á heilanum síðan!!!
Patrekur Thor var síðan 3. ára í gær og var heljarinnar veisla á Öldugötunni, húsmóðirin þar á bæ aldeilis að standa sig í kræsingunum :0)